Rreth MësoGjuhë

MësoGjuhë është platformë online ku shqiptarët mund te mësojnë 10 gjuhë të huaja me shpjegime në gjuhën shqipe, nga niveli A1 deri në B2, dhe të huajt mund të mësojnë gjuhën shqipe.

Misioni ynë

Shumë shqiptarë mësojnë një gjuhë të huaj për punë, studime, vizë ose për t'u marrë vesh me familjen jashtë vendit. Burimet më të mira janë zakonisht në anglisht a në gjuhën që po mëson, prandaj fillestarët mbeten pa shpjegime të qarta. MësoGjuhë u krijua që çdo rregull, çdo fjalë e çdo ushtrim të shpjegohet thjesht në shqip, në Shqipëri, në Kosovë, në Maqedoninë e Veriut a kudo në diasporë.

Si ndërtohen mësimet

Çdo kurs ndjek nivelet A1, A2, B1 e B2 të Kornizës së Përbashkët Evropiane të Referencës për gjuhët (KPER) të Këshillit të Evropës.
Çdo nivel ka 15 module me nga 10 mësime: 150 mësime për nivel, 600 për çdo gjuhë.
Çdo mësim ka fjalor me audio, fraza të përditshme, një pikë gramatikore të shpjeguar në shqip, ushtrime praktike e një kuiz në fund.
Audioja krijohet me teknologji moderne zëri (text-to-speech), që shqiptimi të jetë i qartë e i njëjtë kudo.
Pas 150 mësimeve të një niveli merr certifikatë përfundimi me kod verifikimi.

Gjuhët që mund të mësosh

Mëso anglisht, Mëso gjermanisht, Mëso frëngjisht, Mëso italisht, Mëso spanjisht, Mëso holandisht, Mëso suedisht, Mëso sllovenisht, Mëso turqisht, Mëso arabisht.

Për të huajt që duan të mësojnë shqip kemi kurse me shpjegime në anglisht, gjermanisht, frëngjisht, italisht e spanjisht: Learn Albanian online, Albanisch online lernen, Apprendre l'albanais en ligne, Impara l'albanese online, Aprende albanés online.

Çmimet

Tre modulet e para të nivelit A1 janë falas, pa llogari. Çdo nivel tjetër kushton 11,99 €, paguhet një herë të vetme përmes Paddle e mbetet i yti përgjithmonë. Shiko çmimet e politikën e rimbursimit.

Na kontakto

Ke pyetje, sugjerime ose ke gjetur një gabim në një mësim? Na shkruaj te kontakt@mesogjuhe.com ose hap faqen e kontaktit.